2024-10-23 06:48:12 74

"Дүйнө гастрономиясы" ярмаркасынын отчету 2024-жылдын 10-октябры күнү Эл аралык билим берүү программалары колледжинде (ЭАББП) "Дүйнө гастрономиясы" аттуу ярмарка өттү. Бул иш-чара KMOP Creators командасы жана колледждин студенти Бакытбеков Шайырбек тарабынан уюштурулду. Ярмарка колледждин бардык кафедраларынан студенттерди чогултуп, өздөрүнүн маданияттарын кулинардык чыгармалар аркылуу көрсөтүүгө мүмкүнчүлүк берди. Ярмаркада бардык тил кафедраларын, атап айтканда, Корея, Кытай, Германия, Англия жана Араб кафедраларын көрсөтүүчү павильондор орун алды. Ар бир павильон өзүнүн уникалдуу улуттук тамактарын сунуштап, катышуучуларга ар түрдүү тамак-аштардан ырахат алуу менен бирге, көрсөтүлгөн өлкөлөрдүн маданияты жана салттары жөнүндө көбүрөөк маалымат алуу мүмкүнчүлүгүн берди. Студенттер өздөрүнүн тамактарынан, рецепти менен кызыктуу окуялардан айтып беришти. Иш-чара шаардык тургундар жана Ош мамлекеттик университетинин башка факультеттеринин студенттери тарабынан чоң кызыгуу менен кабыл алынды. "Дүйнө гастрономиясы" ярмаркасы студенттерге өз таланттарын көрсөтүүгө, жаңы тааныштар менен байланыш түзүүгө жана ар түрдүү этникалык топтор ортосундагы маданий байланышты бекемдөөгө мүмкүнчүлүк болду. Мындай иш-чаралардын келечекте дагы өтүшүн күтөбүз, бул биздин билим берүү коомчулугубузду жаңы таасирлер жана билимдер менен байытат.